राज्य पुनर्संरचनाया बारे कांग्रेस केन्द्रीय समितिया बैठक
येँ (सन्ध्या टाइम्स)/राज्य पुनर्संरचनाया बारे सहलह यायेत थौं नेपाली कांग्रेस केन्द्रीय समितिया बैठक च्वनाच्वंगु दु। नेपाली कांग्रेसं उपसभापति गोपालमान श्रेष्ठया संयोजकत्वय् गठन याःगु समितिं तयार याःगु प्रतिवेदनयात कयाः सहलह याइगु खँ धाःगु दु ।
राज्य पुनर्संरचना समितिं तःक्वः हे नेपाली कांग्रेसयात थःपिनि अवधारण लःल्हायेत इनाप यायेधुंकूगु खःसां नं कांग्रेसं राज्य पुनर्संरचनाया बारे आधिकारिक धारणा दयेके फयाच्वंगु मदुनि। राज्य पुनर्संरचनाया बारे कांग्रेस दुने हे विवाद ब्वलनाच्वंगु दु ।
