चाँगुइ सिमा पित
ख्वप (सन्ध्या टाइम्स)/ जापानीज यूनिभर्सिटी स्टूडेण्ट एल्मुनाई एशोसियसन, नेपाल (युआनं) चाँगुया विश्व सुन्दर स्वां पुखुली दयेकाच्वंगु उद्यानय् पालिजा, कोइरालो, समी, उत्तिस, आमली, असारे, गुलाफ, वोगेन, भीलिया, जाई, निलजाई आदि जातया सिमा पित ।
ज्याझ्वलय् प्राकृतिक विज्ञान संग्रहालय स्वयम्भूया प्रमुख प्रा. डा. केशव श्रेष्ठ, नेपाल विज्ञान तथा प्रविधि प्रज्ञा प्रतिष्ठानया डा. दिनेशराज भुजू, निर्मला उप्रेति व मनसा थापा ठकुरी, डा. होमनाथ चालिसे, डा. विमबहादुर श्रेष्ठ, स्थानीय वासिन्दा सन्तोष खनाल, गुरु अशोक विक्रम पाण्डे व राजु श्रेष्ठ नापं झिंखुम्हेस्यां ब्वति काःगु खः ।
जुआनं २०५८ सालय् विश्व सम्पदा स्थल चाँगुइ जापानी राजदूतावासया ग्वाहालिं वातावरण सुधारया निंतिं सतः, ल्वहंहिति, ल्वहँतं सीगु ज्या याःगु नापं फोहोर वायेगु थाय् लः त्वनेगु हिति, पुखू ल्ह्वनेज्या यानाः स्वांपुखू जःखः ग्रीलया पःखाः दयेकाः उद्यान निर्माण व मर्मत सम्भार याःगु खः।
सिमा पीगु ज्याझ्वलय् जुआनं स्थानीय वासिन्दा व क्लबयात सिमाया संरक्षण यायेत इनाप याःगु दु ।
