गतिरोध याकनं अन्त्य जुइगु मन्त्री ओझाया विश्वास

महिला बालबालिका तथा समाज कल्याण मन्त्री सर्वदेव ओझां नेपाली राजनीतिइ अप्वयावंगु दलतदथुइया गतिरोध याकनं अन्त्य जुइगु विश्वास प्वंकूगु दु ।

अवधी पत्रकार संघ बाँके शाखां थौं सुथय् नेपालगंजय् याःगु पत्रकार नापलाये ज्या व सम्मान ज्याझ्वलय् न्वंवासें मन्त्री ओझां राष्ट्रिय सहमतीया आधारय् शान्ति प्रक्रिया निष्कर्षय् थ्यनीगु बिश्वास प्वंकादील । महिला तथा बालबालीकाया क्षेत्रय् क्रान्तीकारी परिवर्तन जुइगु धासें ओझां परम्परागत बिचार व धारणां उमिगु अवस्थाय् सुधार यायेमफइगु धयादीगु खः । देय्न्यंकः दुगु राष्ट्रिय तथा अन्तरराष्ट्रिय संघसंस्थातय्त व्यवस्थीत व पारदर्शी ढंग‍ं संचालन यायेगु अभ्यास जुयाच्वंगु मन्त्री ओझां जानकारी बियादिल ।