न्यायप्रणाली सम्बन्धी समितिया अवधारणा पत्रय् सहलस
संविधानसभाया बुधवा: च्वंगु बैठकय् न्यायप्रणाली सम्बन्धी समितिया अवधारणा पत्रसहितया प्रारम्भिक मस्यौदासम्बन्धी प्रतिवेदन २०६६ दथुइ सहलह जूगु दु ।
बैठकय् एकीकृत नेकपा (माओवादी)या सभासद नन्दकुमार प्रसाईं फुक्क जनताया भावनायात कःघायेगुकथं न्यायप्रणाली दयेकेमाःगु धयादिल । न्यायप्रणालीया पूनर्संरचना जरुरी जूगुलिं वहेकथं अवधारणायात मूर्त रुप बिइमाःगु वय्कःया बिचाः खः ।
नेपाली कांग्रेसया सभासब लक्ष्मणप्रसाद घिमिरें कार्यपालिका व्यवस्थापिका व न्यायपालिका दथुइ शक्ति सन्तुलन जुइमाःगु कार्यपालिकाया नियन्त्रणय् न्यायपालिका दयेकेगु कुतः जूगु प्रति आपत्ति प्रकट यासें थुकिं न्यायपालिका दथुइ पार्टीया सर्वसत्तावाद पलिस्था जुइफुगु धयादील ।
अथेहे नेकपा (एमाले)या सभासद् भीमबहादुर रावलं जनतायात न्याय बिइगु प्रणालीइ अभाव दबाब व प्रभाव लाकेबिइ मज्यूगु व सर्वोच्च अदालतया प्रधानन्यायाधीश पिनेपाखें नियुक्ति यायेमज्यूगुलि ब: ब्यूगु खः ।
