क्रान्तिकारी व वार्ता शिक्षा परिष दथुइ जूगु निष्कर्ष विहीन

उच्च माध्यामिक विद्यालयत व्यवस्थित यायेमाःगु मागसहित आन्दोलनरत अखिल क्रान्तिकारी व उच्च माध्यमिक शिक्षा परिष दथुइ थौं जूगु वार्ता निष्कर्ष विहीन जूगु दु ।

झण्डै प्यघौ जूगु वार्ताय् छु नं ठोस सहमती मजूगु खँ अखिल क्रान्तिकारीया न्वकु जागृत रायमाझीं जानकारी बियादिल । हाकनं ४ गते यायेगु सहमती याना: थौंया वार्ता क्वचाःगु खः । परिषदया ज्याकु सानोठिमीइ जूगु वार्ताय् मेगु चरणय् जुइगु वार्ताय् जुइगु सहमती कार्यान्वयन यायेत परिषद्या पदाधिकारी सहमत जूगु दु । मेगु चरणया वार्ताया निंतिं क्रान्तिकारीयापाखे न्वकु युवराज चौलागाईया नेतृत्वय् मेम्ह न्वकु जागृत रायमाझी व दाँभरि रमेश मल्ल दुजः दुगु स्वम्ह दुजः दुगु वार्ता पुच: गठन याःगु दु । अथेहे परिषदं ल्यू छ्याँजे ढालबहादुर खड्काया नेतृत्वय् बार्ता पुच: गठन याःगु दु ।