माओवादीयात याकचा यायेमज्यू : खनाल

नेकपा (एमाले)या अध्यक्ष झलनाथ खनालं माओवादीयात याकचा तयाः देया राजनीतिक समस्या समाधान मजुइगु खँ धयादीगु दु ।

महाकाली अञ्चलस्तरीय अगुवा कार्यकर्ता प्रशिक्षण ज्याझवलय् न्ववानादिसें वयेकलं माओवादीयात याकचा तयाः देयात बांलाइ धकाः सुनां बिचाः याःगु खसाः व तधंगु र्दुभाग्य जूगु धयादिल । वर्तमान परिस्थितिइ माओवादी नापया सहकार्य आवश्यकता व बाध्यता निगूलिं जूगु धयादिसें अध्यक्ष खनालं ईलय् हे संविधान निर्माण यायेत माओवादी नाप सहकार्य यायेमाः धयादिल ।

माओवादीया उग्रवामपन्थी प्रवृत्ति विरुद्ध नं एमालें निरन्तर संघर्ष यायेमाःगु खँय् बः बियादिसें खनालं देय् यात गति बित एमालेया तःधंगु भूमिका दुगु धयादिल ।