ज्वालासिंह पाखें युद्धविरामया घोषणा

तराईलय् सशस्त्र विद्रोह यानाच्वंगु भूमिगत संगठन जनतान्त्रिक तराई मुक्ति मोर्चां (ज्वालासिंह) एकतर्फी युद्धविरामया घोषणा याःगु दु ।

मोर्चाया अध्यक्ष ज्वालासिंहं बिहीवाः छगू प्रेस विज्ञप्ति पिथनाः हिन्दूतय् तःधंगु नखः मोहनी, स्वन्ति व छठ नापं मुस्लिमतय् इदयात ध्यानय् तयाः युद्धविराम यानाःगु खँ धाःगु दु । विज्ञप्तिइ असोज ३ गते निसें कात्तिक ८ गते तक युद्धविराम यायेगु खँ न्ह्यथंनातःगु दु । युद्धविरामया झ्वलय् छुं नं कथंया फौजी कारवाही मयायेत नं सिंहं विज्ञप्ति मार्फत कार्यकर्तातय्त निर्देशन ब्यूगु दु ।