थौं कांग्रेस व कन्हय् एमालेया मोहनिया तुच्चा
मोहनिया लसताय् थौं नेपाली कांग्रेसं पार्टी केन्द्रीय कार्यालय सानेपाय् छगू तुच्चा ज्याझ्वः यानाच्वंगु दु । उगु ज्याझ्वलय् प्रधानमन्त्री पुष्पकमल दाहाल थीथी राजनीतिक पार्टीया प्रमुख नेतात विदेशी कुटनीतिक नियोगया पदाधिकारी व नेपालय् ज्या यानाच्वंगु थीथी विदेशी संघसंस्थाया पदाधिकारी मानव अधिकारवादी पत्रकारतय्त ब्वनातःगु दु । नेपाली कांग्रेसय् दँय्दसं मोहनिया लसताय् तुच्चा ज्याझ्वः यायेगु चलन उकिया पुलांम्ह सभापति वीपी कोइरालां जुजुलिसे मेलमिलाप यानाः वनेमाःगु धइगु आशयं शुरु यानादीगु खः ।
अथे हे मोहनिया लसताय् कन्हय् एमालें नं पार्टी कार्यालय बल्खुइ तुच्चा ज्याझ्वः यायेत्यंगु दु । उगु तुच्चा ज्याझ्वलय् नं प्रधानमन्त्रींनिसें कयाः देय्या थीथी ख्यःया हनेबहिपं व्यक्तित्वतय्त ब्वनातःगु दु ।
