माओवादीं राष्ट्रिय ध्वाँय् हिलेगु प्रस्ताव
प्रमुख प्रतिपक्षी दल एकीकृत नेकपा (माओवादीं) राष्ट्रिय ध्वाँय् हिलेगु प्रस्ताव याःगु दु ।
बुधवाः च्वंगु संविधानसभाया संवैधानिक समितिं गठन याःगु उपसमितिया बैठकय् माओवादीं राज्य संघीयतय् वनेधुंकाः प्रान्तया संख्या कथं तारा अंकित न्हूगु ध्वाँय्या व्यवस्था यायेमाःगु प्रस्ताव याःगु दु ।
माओवादीया थुगु प्रस्तावयात नेपाली कांग्रेस, नेकपा (एमाले) व नेपाल मजदुर किसान पार्टीं विरोध यासें विपक्षय् च्वंगु दुसाः माओवादी, राष्ट्रिय जनमोर्चा व दलित जनजाति पार्टीं धाःसा राज्याया पुनर्संरचना नापं ध्वाँय् नं हिलेमाःगु अडान काःगु दु ।
कांग्रेस व एमालेया सभासदतय्सं नेपाःया वर्तमान ध्वाँय् राष्ट्रियताया प्रतिक व थःगु मैलिक पहिचान जूगुलिं थुकीयात हिलेम्वाःगु तर्क तःगु दु । थ्वया नापं ध्वाँय्या विषयलयात कयाः समिति दुने विवाद शुरु जूगु दु । विवादया कारणं बुधवाः च्वंगु बैठकय् थुकीया बारे सहलह जुसां छुं निष्कर्ष धाःसा पिकायेमफूगु खः ।
