प्रधानन्यायाधीश पूर्वाग्रही जूगु उपराष्ट्रपतिया द्वपं
येँ (सन्ध्या टाइम्स)/ सर्वोच्च अदालतया आदेश लिपा निष्कि्रय जुयाच्वंम्ह उपराष्ट्रपति परमानन्द झां थौं सुथय् छगू प्रेस विज्ञप्ति पिकासें प्रधानन्यायाधीश मीन बहादुर रायमाझीं थः विरुद्ध पूर्वाग्रही जुयाः फैसला न्यंकूगु द्वपं बियादीगु दु ।
उपराष्ट्रपति झां उपराष्ट्रपतिया हे हैसियतं हस्ताक्षर यानाः पिथंगु उगु प्रेस विज्ञप्तिइ थःत चरेस काण्डय् फँसे यायेगु ज्याय् नं प्रधानन्यायाधीश रायमाझीया हे ल्हाः दुगु व थ्व सम्बन्धी छानवीन प्रतिवेदन तकं थःत मक्यंगु द्वपं नं वय्कलं बियादीगु दु। थःगु शपथ प्रकरण सम्बन्धी मुद्दायात नियतबस हे थःगु बेन्चय् तयेके बियाः पूर्वाग्रही ढंगं निर्णय याःगु द्वपं नं वय्कलं बियादीगु दु ।
