धर्मोदयसभाया ६६ क्वःगु तःमुँज्या
येँ (सन्ध्या टाइम्स)/ संस्कृति मन्त्री डा. मिनेन्द्र रिजालं धर्मोदयसभाया ख्वीखुक्वःगु तःमुँज्या किपूया नगरमण्डप श्रीकीर्तिविहारय् जूगु छगू ज्याझ्वःया दथुइ उलेज्या यानादिल ।
धम्मानुशासक भिक्षु कुमार काश्यप महास्थविरं पंचशील प्रार्थना याना न्ह्याकूगु ज्याझ्वः धर्मोदयसभाया अध्यक्ष पण्डित बद्रीरत्न वज्राचार्यया सभापतित्वय् जूगु खः।
ज्याझ्वलय् सभासद् पद्मज्योति व सभासद् इन्द्रबहादुर गुरुङपिंसं नं न्ववानादीगु खः ।
मुँज्याया निगूगु सत्रय् महासचिव सुचित्रमान शाक्यया वार्षिक प्रतिवेदन व कोषाध्यक्ष रत्नमान शाक्यया आर्थिक प्रतिवेदन नं पारित याःगु खः ।
