एसएलसी ताःलाःपिंत हनापौ
येँ (सन्ध्या टाइम्स)/ येँ महानगरपालिका १३ वडाया पुलांम्ह वडाध्यक्ष मदुम्ह जीवनराज मानन्धरया लुमन्तिइ नेकपा (एमाले) १३ वडा कमिटीया ग्वसालय् झिंछक्वःगु लुमन्ति मुँज्या नीलबाराही माविया न्ह्यःने जुल। ज्याझ्वलय् वडापाखें थुगुसीया एसएलसी परीक्षाय् पास जूपिंत एमालेया केन्द्रीय दुजः केपी ओलीं सिरपाः व हनापौ लःल्हानादिल ।
पुलांम्ह वडाध्यक्ष धुरवनारायण मानन्धरया सभापतित्वय् जूगु ज्याझ्वलय् एसएलसीइ दकलय् अप्वः ल्याः हःम्ह छात्रा इरिना स्थापित व छात्र विकेश महर्जनयात स्वर्ण पदक, हना पौ व सिरपाः देछाःगु खः ।
