बुद्धया उपदेश आत्मसात यायेत राष्ट्रपतिया सुझाव

राष्ट्रपति डा. रामवरण यादवं गौतम बुद्धं ब्यूगु उपदेशयात आत्मसात यायेफुसाः देशय् हत्या हिंसाया अवस्था अन्त्य जुइगु खँ धयादीगु दु ।

लुम्बिनी भ्रमणया झ्वलय् बुधवाः सुथय् राष्ट्रपति यादवं संचारकर्मीतय्त संक्षिप्त प्रतिकृया बियादिसें बुद्धं बियादीगु उपदेशत दक्वसियां निंतिं उतिकं महत्वपूर्ण जूगु धयादिसें देय्या समृद्धिया निंतिं बुद्धया उपदेश प्रेरणाया स्रोत जूगु धयादिल ।

थःछेजः नाप लुम्बिनी थ्यंकादिम्ह यादवं बुद्धया जन्मस्थल क्षेत्रया अवलोकन यानादिसें मायादेवी देगलय् पूजा नं यानादीगु खः ।

राष्ट्रपति यादवं निरीक्षण व पूजा यानाच्वंगु ईलय् माओवादी कार्यकर्तातय्सं लुम्बिनी विकास परिसर पिने च्वनाः प्रदर्शन याःगु खः ।