संविधानविद अर्याल मन्त

सर्वोच्च अदालतया पुलांम्ह न्यायाधीश नापं संविधानविद लक्ष्मण अर्याल बुधवाः सुथय् मन्त ।

न्ह्यन्यादँ दुम्ह अर्यालयात छवाः ‌न्ह्यः निसें नूगचू व छातीया ल्वचं कया आइसीयूलय् तया वासः याकातःगु खः । वंगु मंलगवाः वयेकयात थुगु समस्या खनेवं त्रिवि शिक्षण अस्पताल महाराजगञ्जय् भर्ना याकूगु खः । वसाः याकेगू झ्वलय् बुधवाः सुथय् न्ह्यताः ईलय् अर्याल मदुगु खः ।

वरिष्ठ संविधानविद अर्याल २०४७ सालया संविधान सुझाव आयोगया दुजः नापं २०६३ सालया अन्तरिम संविधान मस्यौदा समितिया संयोजक नं खः । अथेहे वयेक २०४५ सालय् नेपाल बार एशोसिएशनया अध्यक्ष नं जुयादीगु खः ।

भाजु अर्यालया जहान नापं निम्ह काय् व छम्ह म्हाय् दु ।