सुरक्षा सक्रियता अप्वयेकेत प्रधानमन्त्रीया निर्देशन
एकीकृत नेकपा (माओवादीं) राष्ट्रपति प्रधानमन्त्री लगायत मन्त्रीतय् ज्याझ्वः बहिष्कार यायेगु व सांघातिक हमला यायेगु ज्या शुरु यायेवं मंगलवाः सुरक्षा परिषदया बैठक येँय् च्वंगु दु ।
सुरक्षा परिषदया अध्यक्ष नापं प्रधानमन्त्री माधवकुमार नेपालं सुरक्षा संवेनशीलता अप्वयावंगुलिं सुरक्षा सक्रियता अप्वेयेकेत सुरक्षा निकायया प्रमुखतय् निर्देशन बियादीगु दु । नापं प्रधानमन्त्री नेपालं समितिया बैठक आः हरेक लाय् च्वनीगु वातावरण देयेकेत नं निर्देशन बियादीगु दु । बैठकय् सरकारं हःगु विशेष सुरक्षा योजनाया कार्यान्वन, येँ लगायत प्रमुख शहरी क्षेत्रय् शान्ति सुरक्षा अप्वेकीगु लगायत विषयलय् बैठक केन्द्रीत जूगु खः ।
सिंहदरवारय् च्वंगु परिषदया सचिवालयलय् च्वंगु बैठकय् प्रधानमन्त्री नेपालया नापं गृहमन्त्री भिम रवाल, शिक्षामनत्री रामचन्द्र कुशवाह, रक्षा सचिव नविन घिमिरे, नेपाल प्रहरीया प्रमुख रमेश चन्द, सशस्त्र प्रहरीया प्रमुख सनतकुमार बस्नेत, नेपाली सेनाया प्रमुख छत्रमान गुरु,ङ राष्ट्रिय अनुसन्धान विभागया प्रमुख लगायतया ब्वति दुगु खः ।
