उपराष्ट्रपतिया छेँ न्ह्यःने बम !
येँ (सन्ध्या टाइम्स)/उपराष्ट्रपति परमानन्द झाया छेँ न्ह्यःने फोहोर वांछ्वयातःगु थासय् थौं नं बम लूगु दु। उपराष्ट्रपति निवास स्वयां छुं भचा तापाक तयातःगु सुतलि बम सशस्त्र प्रहरीया बम डिस्पोजल पुचलं निस्त्रि्कय याःगु खः ।
म्हिगः नं उपराष्ट्रपतिया छेँ न्ह्यःने छगः सकेट बम तयातःगु लूगु खः। बम सुनां तःगु धइगु सी मदुनि। छुं ई न्ह्यः पदं निस्त्रि्कय जुइधुंकाः नं वय्कःया छेँय् अज्ञात पुचलं बम मुइका थकूगु खः ।
उपराष्ट्रपतिया छेँ न्ह्यःने थथे तःक्वः बम तयेगु ज्या जूसां प्रहरीं धाःसा छुं हे सीके मफुगुलिं सुरक्षा निकायया औचित्यय् नं न्ह्यसः पिदनाच्वंगु दु ।
देय्न्यंकं विशेष सुरक्षा लागू यानाः सुरक्षा व्यवस्था क्वातुकागु सरकारया दाबीयात उपराष्ट्रपतिया छेँय् न्हिथं जुयाच्वंगु बम तयेगु ज्यां म्वाय् चुइका बिउगु खँ विज्ञतय्सं धाःगु दु ।
