टहराय् गाडी दुहां वनाः द्यनाच्वंपिं स्वम्ह सित
येँ (सन्ध्या टाइम्स)/ सर्लाहीया बागमति खुसिया लिकसं कर्मैयाय् थौं वंगु चान्हय् गाडीं क्यलाः टहराय् द्यनाच्वंपिं स्वम्ह सीगु दु ।
तसकं तीव्र गतिं वयाच्वंगु ना. १ ख २४११ नम्बरया टि्रपर टहराय् दुने दुहां वनाः अन द्यनाच्वंपिं सोनीलाल सहनी, रमन सहनी व तोइन सहनीयात क्यःगु खः। उपिं स्वम्हं हे घटनास्थलय् तुं मदुगु खँ स्थानीय मनूतय्सं धाःगु दु।
घटनाया विरोधय् स्थानीय जनतां आः अन सतक अवरुद्ध यानाः प्रदर्शन यानाच्वंगु दु। स्थानीय जनताया प्रदर्शनया कारणं उगु लँपु जुयाः देय्या थीथी थासय् वनेमाःगु यातायात अवरुद्ध जुयाच्वंगु दु ।
