पर्यटन वर्षया लसताय् चित्रकला ब्वज्या
येँ (सन्ध्या टाइम्स)/ 'पर्यटन वर्ष २०११' या लसताय् नेपाल कलाकार समाजं नेपाल पर्यटन बोर्डय् ग्वसाः ग्वःगु चित्रकला व मूर्तिकला ब्वज्या नेपाल चेम्बर अफ कमर्शया अध्यक्ष सुरेन्द्रवीर मालाकारं उलेज्या यानादिल ।
उलेज्या ज्याझ्वलय् वय्कलं संविधान निर्माण यायेगु ज्याय् शंका जुयाच्वंगु न्ह्यथनादिसें कलाकारतय्सं कला मार्फत जनतायात प्रगतिया लागिं विकल्प मालेत ध्वाथुइका बीमाःगु खँ कनादिल ।
नेपाल कलाकार समाजया अध्यक्ष के. के. कर्माचार्यया सभापतित्वय् जूगु उगु ज्याझ्वलय् ललितकला क्याम्पसया क्याम्पस प्रमुख राजु मानन्धर व ब्वज्याया संयोजक मय्जु सुष्मा राजभण्डारीपिंसं नं न्ववानादीगु खः ।
