माओवादी सरकारय् वसाः नेतृत्व हेरफेर जुइफइ : राई
नेकपा (एमाले)या उपाध्यक्ष अशोक राईं एकीकृत नेकपा (माओवादी) थ्वहे सरकारयय् वसाः नेतृत्व हेरफेर यायेफइगु खँ धयादीगु दु ।
मंगलवाः नेपालगञ्जय् पत्रकारत नाप खँल्हाबंला यानादिसे उपाध्यक्ष राईं कांग्रेस, एमाले व माओवादी बिना संविधान निर्माण सम्भव मजूगु धारणा प्वंकादिसें राष्ट्रिय सरकार गठन जुइगु खसाः एमोलं नेतृत्व यायेमा धइगु जरुरी मदु धयादिल ।
वयेकलं वर्तमान एमाले सरकारया नेतृत्वयात नीनिगू दलं समर्थन याथें राष्ट्रिय सरकार निर्माण जुइवलय् मेमेगु राजनीतिक दलं माओवादीया नेतृत्व स्वीकार यासाः अज्याःगु सरकारया नेतृत्व माओवादीं हे यायेदेयेमाःगु खँ प्रस्ट यानादिल ।
संविधान निर्माणया निंतिं स्वंगू दलया सहमति आवश्यक जूसां लिप्पांगु घटनाक्रमं स्वंगू दल दथुइया दूरी तापानावंगुलिं संविधान निर्माण यायेगु ज्या न्ह्यावनेमफुगु खँ एमाले उपाध्यक्ष राई नं धयादिल । वयेकलं यदि माओवादीं सरकारय् ब्वति मकायेगु खसाः जिम्मेवार प्रतिपक्षीया भुमिका म्हितेमाः धयादिल ।
