उर्जामन्त्री महतयात अप्पां क्येकल

उर्जामन्त्री प्रकाशशरण महतयात एकीकृत नेकपा (माओवादी)या कार्यकर्तातय्सं विदुरय् हाकूगु ध्वाँय् क्यनाः अप्पां क्येकूगु दु ।

नुवाकोट निर्माण व्यवसायी संघया खुक्वःगु साधारणसभा व न्याक्वःगु जिल्ला अधिवेशनय् ब्वति कायेत झाम्ह उर्जामन्त्री महतयात माओवादी कार्यकर्तातय्सं विदुरया नुवाकोट चोकं लोकतान्त्रिक चैतारा तक हाकूगु ध्वाँय् क्यनाः नाराबाजी सहित विरोध प्रदर्शन याःगु खः ।

माओवादीं हाकूगु ध्वाँय् व अप्पां क्येकेवं प्रहरीं प्रदर्शकारीतय्त लाठीचार्ज याःगु खः । लाठीचार्जं निगू दर्जन प्रदर्शनकारीत घाःपाः जूगु दुसाः प्रदर्शनकारीतय् अप्पां लानाः प्रहरी निरीक्षक कोमल शाह घाःपाः जूगु दु ।