सिमा सम्बन्धी समस्या प्याकेजय् समाधान यायेत भारत असहमत
सिमा सम्बन्धी समस्या छक्वलं 'प्याकेज'य् समाधान यायेगु नेपाःया प्रस्तावयात भारतं अस्वीकार याःगु दु ।
नेपाःया निन्हुन्यंक भ्रमणया निंतिं सोमवाः येँय् थ्यंकादिम्ह भारतीय विदेश सचिव निरुपमा राव नापया खँल्हाबंलाय् नेपाःया परारष्ट्र सचिव ज्ञानचन्द्र आचार्यं सिमा विवाद समाधान यायेत थ्व प्रस्ताव तयादीगु खः ।
भारतीय विदेश सचिव रावं सोमवाः पारराष्ट्रमन्त्री सुजाता कोइराला व परराष्ट्र सचिव आचार्य नापं खल्हांबंला यानादीगु खः । उगु झवलय् प्रधामन्त्रीया भारत भ्रमणया झ्वलय् जूगु सहमतियात कार्यान्वयन यायेगु विषयलय् सहलह जूगु खः ।
परराष्ट्रमन्त्री कोइरालां भारतं नेपाःया शान्ति व स्थायित्व स्वये चाहे जूगु व थन स्थायित्व जुसाः भारतयात नं पाइदा जुइगु विषलय् भारतीय विदेश सचिव रावं बः बियादीगु कनादिल ।
प्रधानमन्त्री माधवकुमार नेपालं भारत भ्रमणया झ्वलय् नेपाः व भारत दथुइ स्वीप्यंगू बुँदे समझदारी पत्रय् हस्ताक्षर यानादीगु खः । समझदारी पत्रय् सीमा समस्या, निगू देय् दथुइया स्वापू विस्तार लगायत खँ न्ह्यथंनातःगु दु ।
