फुसा गोलीं क्येकी : गच्छदार
उपप्रधानमन्त्री विजयकुमार गच्छदारं एकीकृत नेकपा (माओवादी)यात तागत दुसाः गोलीं क्येकेत हाथ्या बियादीगु दु ।
येँया सिनामंगल व भीमसेनगोला जोडे जुइगु पुल सिलन्यास यानादिसें भौतिक योजना व निर्माण मन्त्री नं जुयादिम्ह गच्छदारं माओवादी कार्यकर्तातय्सं प्रधानमन्त्री व मन्त्रीतय् ज्याझ्वः बहिष्कार व हाकूगु ध्वाँय् क्यनिगु ज्या अप्वयेका यंकाच्वंगु पाखे लक्षित यानादिसें फुसाः गालीं क्येकेत हाथ्या बियादीगु खः ।
पुल सिलन्यास यायेत ज्याझ्वः स्थल थ्यंकादीगु ईलय् उपप्रधामन्त्री गच्छदारयात नं माओवादीया कार्यकर्तातय्सं हाकूगु ध्वाँय् क्यनेवं वयेक थप आक्रोशित जुयादीगु खः । वयेकलं माओवादीं जनमत व जनभावनाया अवमुल्यन याःगु द्वपं बियादिल । जनतां माओवादीयात मत ब्यूगुलिं थःपिसं द्वंकूगु महशुस जनतां यायेधुंकूगु धायादिसें संविधान सभा माओवादीया जक पेवा मजूगु टिप्पणी यानादिल ।
