नीगुक्वःगु तःमुँज्या ताःलाकेत मुँज्या
ख्वप (सन्ध्या टाइम्स)/वइगु कौलाथ्व द्वादशी व त्रयोदशी (असोज १५ व १६ गते) त्रिपुरासुन्दरी निन्हुयंकं जुइगु नीगुक्वःगु नेपालभाषा साहित्य तःमुँज्या व सांस्कृतिक ब्वज्या ताःलाकेत थनया चण्डेश्वरीइ नेपालभाषा साहित्य चिमुँज्या जुल। ज्याझ्वलय् नेपालभाषा साहित्य तःमुँज्याया मू गुथिया दुजः लक्ष्मीनारायण दुवालं तःमुँज्याया इतिहास कुलादिसें स्तरीय साहित्य च्वयेगु निंतिं च्वमिपिंसं नियमित रुपं च्वयेगु बानी यायेमाः धयादिल ।
ज्याझ्वलय् लक्ष्मीनारायण दुवाल, हरिसुन्दर छुकां, कृष्ण प्रजापति व रुपकेशरी उलकपिंसं बाखं व चिनाखँ पाठ यानादीगु खःसा नीगुक्वःगु नेपालभाषा साहित्य तःमुँज्याया साहित्यिक समितिया संयोजक जगन्नाथ सुजखुं मेगु चिमुँज्या बोडेय् जुइगु जानकारी बियादिल ।
