राजा शाक्ययात नेवाः हना सिरपाः

भाषा साहित्य मुँज्या सक्वपाखें दँय्दसं बीगु याना वयाच्वंगु नेवाः हना सिरपाः थुगुसी नांजाःम्ह बाखं च्वमि राजा शाक्ययात बीगु क्वःछिउगु दु । बाखं विधानय् नांजाःगु श्रेष्ठ सिरपाः नं त्याकादीधुंकूम्ह भाजु शाक्यं नेपालभाषा साहित्य ख्यःयात प्यंगू बाखं सफू बियादीगु दु । उकुन्हु तिनि वय्कःया न्हूगु बाखं सफू 'ह्वगंगु सर्गः' पिहां वःगु खः । नेपालभाषा साहित्यय् वय्कलं यानादीगु योगदानयात हने कथं थ्व सिरपाः बीत्यंगु खँ खलकं धाःगु दु ।

सिरपालय् हनापौ नापं झिद्वः तका दां दुथ्याः । थ्वहे वइगु कौलागा ४ कार्तिक २ गते शनिवाः कुन्हु सक्वय् छगू ज्याझ्वः यासें सिरपाः इनीगु ग्वसाः दु ।