२० म्ह सीडीओ सरुवा
येँ (सन्ध्या टाइम्स)/ गृह मन्त्रालयं नीगू जिल्लाया प्रमुख जिल्ला अधिकारीत सरुवा याःगु दु। भीम रावल गृहमन्त्री जुइधुंकाः दकलय् न्हापां थुलिमछि प्रजिअ सरुवा याःगु खः।
गृह मन्त्रालयया सहसचिव रत्नराज पाण्डेयात शान्ति व सुरक्षा विभाग प्रमुखं प्रबन्ध विभागय् सरुवा याःगु दु ।
जयमुकुन्द खनालयात शान्ति तथा सुरक्षा विभागया प्रमुख व प्रवक्ता दयेकूगु दुसा प्रबन्ध विभागया प्रमुख श्रीवत्स घिमिरेयात मकवानपुरया प्रजिअ दयेकूगु दु। अथे हे हरिकृष्ण पौडेलयात कैलालीइ छ्वःगु दु ।
सरुवा जूपिं मेगु जिल्लाया प्रजिअत बेदकुमार कारी (धनुषा), शम्भु कोइराला (कास्की), कमल मणि काफ्ले (गोरखा), जीवन ओली (रसुवा), रवि काफ्ले (ताप्लेजुङ), बेनी माधव ज्ञवाली (बर्दिया), गोविन्द भुर्तेल (नुवाकोट), दीपक नेपाल (ख्वप), शिव नेपाल (तनहुँ) शम्भु मरासनी (रुकुम), नगेन्द्र झा (रुपन्देही), शिव घिमिरे (कपिलवस्तु), हरि बास्तोला (रोल्पा), केशव आचार्य (खोटाङ), रामप्रसाद घिमिरे (सप्तरी) व देवराज ढकालयात कास्कीया निमित्त प्रजिल दयेकूगु दु ।
