येँय् नकली माओवादी ज्वन

येँ (सन्ध्या टाइम्स)/थःत तप्यंक अध्यक्ष प्रचण्डं हे छ्वयाहःगु धकाः चन्दा उठे यानाः नयाच्वंम्ह छम्ह नकलि माओवादीयात सकलिपिं माओवादीतय्सं ज्वंगु दु। अर्जुन थापामगर नांयाम्ह उम्ह मनुखं येँया कालिमाति लागाय् च्वनाः उकथं चन्दा कायेगु ज्या यानाच्वंगु खः। वयागु बारे माओवादीइ थीथी गुनासो वयेवं कार्यकर्तातय्सं वयात मालाः ज्वंगु खः। थौं वयात सार्वजनिक यानाः प्रहरीयात लःल्हायेगु ज्याझ्वः दुगु खःसां लिपा वं आवंलि अज्याःगु ज्या याये मखु धाःगुलिं अथें त्वःता छ्वःगु दु। वं थःत अध्यक्ष प्रचण्डया हे दूत खः धाधां उगु लागाया तःगू हे थासय् ध्यबा उठे याना तयेधुंकूगु खँ धाःगु दु ।