देय्न्यंकंया उमावि बन्द
येँ (सन्ध्या टाइम्स)/सामुदायिक उच्चमाविइ न्याम्ह शिक्षकया व्यवस्था जुइमाःगु, निजी उच्चमाविया शुल्क निर्धारण यायेमाःगु माग यासें माओवादी विद्यार्थी संगठन अखिल (क्रान्तिकारीं) आह्वान याःगु निजी उच्चमावि बन्दं थौं देय्न्यंकंया उच्चमावि बन्द जुयाच्वंगु दु ।
वंगु भदौ १३ गते सरकारयात ज्ञापनपत्र सहित मागपत्र न्ह्यब्वयां नं सरकारं गुगुं नं कथंया चिउताः मक्यं धासें क्रान्तिकारी थ्व बन्द आह्वान याःगु खः ।
उमिसं थौं व कन्हय् निन्हु निजी उमावि बन्द आह्वान याःगु खःसा थःपिनि माग सुनुवाइ मजुल धाःसा देय्न्यंकंया सामुदायिक उमावि नं बन्द यायेगु ख्याच्वः बिउगु दु ।
