मेगु लुखां प्रम सटुक्क
येँ (सन्ध्या टाइम्स)/ हिसानया न्हापांगु राष्ट्रिय सम्मेलनया उलेज्या यायेत चितवन थ्यंम्ह प्रधानमन्त्री माधव नेपाल भरतपुर विमानस्थलया मू लुखां मवँसे लिउनेया लुखां पिहां वंगु दु ।
राष्ट्रपतिया पलाः विरुद्ध आन्दोलन याना वयाच्वंगु माओवादीया कार्यकर्तातय्सं भरतपुर विमानस्थलं नारायणगढ वनेगु लँपुइ पंगः थने फइगु सम्भावना खने दयेवं वय्कः लिउनेया लुखां पिहां वंगु खः ।
वय्कः लिउनेया लुखां पिहां वंसां नं माओवादीया कार्यकर्तातय्सं धाःसा थाय् थासय् वय्कःयात हाकुगु ध्वाँय् क्यंगु खः ।
माओवादीं राष्ट्रपति व प्रधानमन्त्रीयात सार्वजनिक बहिष्कार ज्याझ्वः याना वयाच्वंगु दु ।
