राष्ट्रपतियात ज्ञापनपौ

येँ (सन्ध्या टाइम्स)/ उपराष्ट्रपति शपथ प्रकरणय् सर्वोच्च अदालतया निर्णययात कयाः थौं संयुक्त मधेशी विद्यार्थीं मञ्चं राष्ट्रपति डा. रामवरण यादवयात छगू ज्ञापनपत्र लःल्हात। राष्ट्रपति निवासय् लःल्हाःगु उगु ज्ञापनपत्रय् अन्तरिम संविधान त्रुटिपूर्ण जूगु धासें उकियात याकनं संशोधन यानाः फुक्कं भासं शपथ नये दइगु बुँदा दुथ्याकेमाःगु, देशय् ल्हाइगु फुक्कं मांभाय्या संरक्षण व सम्बर्द्धन यायेमाःगु आदि माग यानातःगु दु ।