सुनिता राजभण्डारीया जहान मंत
येँ (सन्ध्या टाइम्स)/नेपालभाषाया प्याखंम्वः व नेवाः फिल्मया न्हापांम्ह मिसा निर्देशक मय्जु सुनिता राजभण्डारीया जहान भाजु पवन श्रेष्ठ मंत। अमेरिकाय् च्वनाच्वंम्ह भाजु श्रेष्ठ क्यान्सर ल्वचं कयाः अन हे मदुगु खः। मय्जु राजभण्डारीं अमेरिकां फोन यानाः पासापिंत बियादीगु जानकारी कथं भाजु श्रेष्ठयात नियमित जाँचया लागिं अस्पताल यंकूगु खःसा ल्वय् तच्वत धकाः आईसीयुलय् भर्ना याःगु व वयां छुं ई लिपा हे मदुगु खः। भाजु श्रेष्ठं नं नेपालभाषाया म्युजिक भिडियो 'तजिलजि' या छपु म्येँय् कलाकार जुयाः म्हितादीगु दु ।
