'न्हू प्रष्टिज नेपाः' या खुदँ
यल (सन्ध्या टाइम्स)/ ललितपुर पब्लिकेशन प्रालिपाखें पिथनाच्वंगु नेपालभाषाया लय्पौ 'न्हू प्रेष्टिज नेपाः' खुदँय् क्यंगु लसताय् म्हिगः ललितपुर बार हलय् छगू ज्याझ्वः जुल। संस्कृतिविद् एवं उगु लय्पौया सल्लाहकार सत्यमोहन जोशीं स्तरीय पत्रिका पिथनेगु नं थौया हाथ्या जुइधुंकूगु खँ न्ह्यथँसें 'न्हू प्रेष्टिज नेपाः' या सफलतायात च्वछायादिल। अध्यक्ष यज्ञरत्न धाख्वाःया सभापतित्वय् जूगु उगु ज्याझ्वलय् प्रालिया संचालक भरतलाल श्रेष्ठ, च्वमि मोक्षबहादुर अमात्य, विज्ञापनदाता पंचराज शाक्य व सम्पादक नरेन्द्रबहादुर राजभण्डारीपिंसं न्ववानादीगु खः ।
