नःघल युवा समूहपाखे एसएलसी ताःलाःपिंत हन
येँ (सन्ध्या टाइम्स)/नःघल युवा समूहपाखें २०६५ सालया एसएलसी परीक्षाय् ताः लाःपिंत म्हिगः छगू ज्याझ्वः यासें हन ।
मूपाहां सिद्धार्थ बनस्थली इन्ष्टीच्युटया प्राध्यापक रुपक राजवंशी ताःलाःपिं विद्यार्थीतय्त हनापौ लःल्हाःगु खःसा पाहांपिं कन्या मन्दिरया प्राध्यापक सानुकुमारी नेपाल व प्रभात माविया शिक्षक उत्तम वज्राचार्य अप्वः ल्याःहःम्ह विद्यार्थीयात दोसल्लां न्यकेकूगु खः ।
ज्याझवलय् न्ववायेगु झ्वलय् मूपाहां राजवंशी नःघल युवा समूहपाखे सिफारिस याम्ह छम्ह विद्यार्थीयात झिद्वः तकाया छात्रावृत्ति बीगु घोषणा नं यानादीगु दु ।
इन्जिनियर धीरजमान राजभण्डारीं लसकुस यानाः न्ह्याःगु ज्याझ्वलय् पाहांपिं सानुकुमारी नेपाल उत्तम वज्राचार्य, अधिवक्ता उषा मल्ल पाठक, येँ मनपाया दिपक कोइराला, अथे हे अप्वः ल्याः हम्ह विद्यार्थी व हंपिं विद्यार्थीया अभिभावकपिंसं नं थःथःगु नुगः खँ प्वंकादीगु खः ।
समूहया नायः दिनेशराज राजभण्डारीया सभापतित्वय् जूगु ज्याझ्वलय् थीथी सांस्कृतिक ज्याझ्वः नं न्ह्यब्वःगु खः ।
