ज्वना यंकूपिं सभासद सहित ५१ माओवादी कार्यकर्तात रिहा
निषेधित क्षेत्रय् प्रदर्शन यापिं गुम्ह सभासदसहित माओवादी कार्यकर्तातय्त प्रहरीं न्हिनय् त्व:तुगु दु । राष्ट्रपतिया असंवैधानिक पलाः भिंकेमाःगु व नागरिक सर्वोच्चता स्थापना यायेमाःगु माग यासें निषेधित क्षेत्र घोषित सिंहदरवारया दक्षिण लुखाय् विरोध प्रदर्शन यानाच्वंपिं माओवादी सभासदत नापं आपालं प्रदर्शनकारीतय्त प्रहरीं आइतवा: सुथय् ज्वनायंकूगु ख: ।
सभासद्त तिलक परिवार, सन्तोषी विक, मीनकुमारी सुनार, हरि श्रीपाईती नापं गुम्ह सहित न्ह्यछम्ह प्रदर्शनकारीतय्त प्रहरीं ज्वना नेपाल पुलिस क्लब व महानगरीय प्रहरी प्रभाग सिंहदरबारय् तयात:गु ख: । आइतवा: न्हिनय् महानगरीय प्रहरी परिसर येँ नं छगू पत्रकार सम्मेलन याना: माओवादी सभासदत व कार्यकर्तातय्त ज्वंगु व त्व:तुगु बारे जानकारी ब्यूगु ख: । पत्रकार सम्मेलनय् एसपी नवराज सिलवालं आइतवा: संसदया बैठक च्वनीगु जूगुलिं सभासद सहित दक्वसितं त्व:तागु जानकारी बियादिल ।
