क्रान्तिकारी पाखें उच्चमावि बन्द

अनेरास्ववियु (क्रान्तिकारीं) आइतवाः देयन्यंकया न्यासलं मल्याक्क उच्च माध्यामिक विद्यालयत बन्द याकूगु दु । बन्दया कारणं उच्चमाविया पठनपाठन ठप्प जूगु दु ।

एकीकृत नेकपा (माओवादी)या भातृ संगठन क्रान्तिकारीं शुल्क निर्धारण, शिक्षक दरबन्दी अप्वयेकेमाःगु, सेवा सुविधा लगायत झिंस्वंगू सुत्रीय माग तयाः आइतवाः निसें प्यन्हुन्यंक देयन्यंकया दक्वं निजी उच्च मावि बन्द यायेगु घोषणा याःगु खः ।

उच्च माविलय् सामान्य पूर्वाधार नं निर्माण मयासें संचालनय् हःगु व विद्यार्थीतय् भविष्य नाप खेलवाड याःगुलिं आन्दोलन यायेमाःगु खँ क्रान्तिकारीं धाःगु दु ।