आः सामाजिक परिवर्तन मू आज्जु
राष्ट्रपति डा. रामबरण यादवं देशय् राजनीतिक परिवर्तन जुइधुंकल आः सामाजिक परिवर्तनयात मू आज्जु दयेकेमाः धयादीगु दु । म्हिगः थनया सूर्यमढी त्वालय् जूगु नीच्यागूगु नेपालभाषा साहित्य तःमुँज्याय् विशेष पाहां कथं न्ववासें वय्कलं थीथी भाषाभाषी व जातजातिया देश जूगु कारणं आः फयांफत्ति फुक्कं भाषा जाति व लिंगयात ल्वयेक संघीय लोकतानित्रक गणतन्त्र राज्य दयेकेगु कुतः जुइमाःगु खँय् नं बः बियादिल ।
नेमकिपाया अध्यक्ष नारायणमान बिजुक्छेँ रोहितं पार्टीत कमजोर यानाः देशयात अराजक दयेकेगु कुतः न्ह्यानाच्वंगु दु धासें पार्टी घोषणापत्रया आधारय् जनताया मत कयाः त्यानावःपिं सभासद्तय्त विवेकया मत छ्यलेगु अधिकार बिल धाःसा पार्टीतय् अस्तित्व संकटय् लाइ धयादिल । वय्कलं छगू मधेश छगू प्रदेशया नारा व आत्मनिर्णय सहितया जातीय स्वशासनं देश कुचा दलेफुगु सम्भावना दु धकाः नं धयादिल ।
साहित्यकार सावित्री धौभडेलया सभापतित्वय् जूगु उगु ज्याझ्वलय् चिनाखँ बाखं च्वखँ विधाय् न्हापा लाःपिं साहित्यकारिपंत सिरपाः लःल्हायेगु ज्या नं जूगु खः । पुलांम्ह सभामुख दमननाथ ढुंगाना वरिष्ठ अधिवक्ता सिन्धुनाथ प्याकुरेल वरिष्ठ पत्रकार भैरव रिसाल भाषाजवाः रमापतिराज शर्मापिंसं नं न्ववानादीगु उगु ज्याझ्वलय् बहनी सांस्कृतिक ब्वज्या नं न्ह्यब्वःगु खः ।
