'आन्दोलन विद्रोहया तयारी खः'

एकीकृत नेकपा (माओवादी)या उपाध्यक्ष डा. बाबुराम भट्टारईं संयुक्त जनआन्दोलन विद्रोहया पूर्व तयारी जूगु खँ धयादीगु दु ।

डडेलधुराय् शनिवाः जूगु छगू पत्रकार सम्मेलनय् नेता भट्टराईं माओवादीं राष्ट्रपति पाखें नागरिक सर्वोच्चताया उल्लङ्घन याःगु बारे संसदय् सहलह यानाः समस्याया समाधान मालेत कुतः यासां सरकारं युद्ध यायेत स्वयाच्वंगु व संविधानसभा भंग यायेगु दुस्प्रयास यानाच्वंगुलिं जनविद्रोहया विकल्प मदु धयादिल ।

वयेकलं सहमतिया बिन्दुइ थ्यंकेत मबीत संसदवादी दलतय्सं संविधानसभायात भंग यानाः राष्ट्रपतिय शासन लागू यायेगु कुतः यानाच्वंगु द्वपं बियादिल । संक्रमणकालीन अवस्थाय् अप्वयाच्वंगु दण्डहीनता अन्त्यया निंतिं सरकार सफल जुइमफुगु दाबी यानादिसें नेता भट्टराईं दण्डहीनता अप्वयावंसाः लोकतन्त्र खतारय् लाइगु धयादिल ।