माओवादी बिना संविधान निर्माण जुइमखु : खनाल
नेकपा (एमाले)या अध्यक्ष झलनाथ खनालं माओवादी बिना संविधान निर्माण जुइमफइगु खँ धयादीगु दु ।
झापां येँय् लिहांवये न्ह्यः विराटनगर विमानस्थलय् संचारकर्मीत नाप खँल्हाबंला यानादिसें अध्यक्ष खनालं संविधान निर्माण ईलय् हे मजुसाः देशय् कल्पाना हे मया कथं दुर्घटना जुइगु धयादिसें थुकी पाखें बचे यायेत माओवादीयात छखे तयाः स्वयां नापं ज्वनाः सहमति यायेमाःगु बिचाः प्वंकादिल । वयेकलं धयादिल, - 'माओवादीयात छखे तयाः संविधान निर्माण जुइमखु, ईलय् हे संविधान दयेकेत एमाले, कांग्रेस व माओवादी मिलेजुइ हे माः ।'
वयेकलं आः सरकार क्वथलीगु वा गठन यायेगु ई मजूगु धयादिसें दक्वं संविधान निर्माण यायेगु ज्याय् लगेजुइमाः धयादिल । वयेकलं सरकारया नेतृत्व यायेगु धइगु तःधंगु खँ मखुगु प्रतिकृया नं बियादिल ।
माओवादीयात सहमति ह्येगु निंतिं कुतः जुयाच्वंगु धयादिसें अध्यक्ष खनालं माओवादी सहमतिलय् वइगु विश्वास नं प्वंकादिल ।
