माओवादीयात छखे तयेगु षडयन्त्र : भट्टराई
एकीकृत नेकपा (माओवादी)या उपाध्यक्ष डा. बाबुराम भट्टराईं थःगु पार्टीयात संविधनसभां छखे तयेगु षडयन्त्र जुयाच्वंगु खँ धयादीगु दु ।
अखिल क्रान्तिकारी कञ्चनपुरया गुक्वःगु जिल्ला अधिवेशनया शुक्रवाः भीमनगरय् उल्लेज्या यानादिसें उपाध्यक्ष भट्टराईं माओवादीयात संविधानसभां छखे लाकेत देशी-विदेशी प्रतित्रियावादी शक्तित लगेजुयाच्वंगु द्वपं बियादिल । वयेकलं माओवादीं ल्ह्वना वयाच्वंगु नागरिक सर्वोच्चताया मागयात बेवास्ता यासें गणतन्त्र संस्थागत यायेमबीत सरकारय् दुथ्यागू दलत लगेजुयाच्वंगु द्वपं बियादिल ।
वर्तमान एमाले नेतृत्वया सरकारं नागरिक सर्वोच्चताया अपहरण यानाः देय्यात सैनिक सर्वोच्चता लागु यायेगु कुतः यानाच्वगु धयादिसें नेता भट्टराईं सैनिक सर्वोच्चता लादे याना माओवादीयात घेराबन्दी यायेत स्वःगुलिं थःपिंसं देयन्यंक आन्दोलन यानाःगु स्पष्ट यानादिल ।
देशय् न्ह्यानाच्वंगु राजनीतिक संकटया निकास मालेगु सहमतिलय् राष्ट्रिय सरकार गठन जुइमाःगु धयादिसें वयेकलं अज्याःगु राष्ट्रिय सरकारया नेतृत्व माओवादीं याइगु दाबी यानादिल ।
