'सेना समायोजन याये न्ह्यः नेपाली सेनाया लोकतान्त्रिकरण यायेमाः'
एकीकृत नेकपा (माओवादी)या छ्याञ्जे पोष्टबहादुर बोगटि 'दिवाकरं' सेना समायोजन यायेन्ह्यः नेपाली सेनाया लोकतान्त्रिकरण यायेमाःगु खँ धयादीगु दु ।
क्रान्तिकारी पत्रकार सङ्घ दाङं थौं सुथय् घोराहीसं याःगु पत्रकार नापलाये ज्याय् न्वंवासें छ्याञ्जे दिवाकरं धयादिल, - 'सेना समायोजन याये न्ह्यः नेपाली सेनायात लोकतान्त्रिकरण यायेमाः । जनमुक्ति सेनायात आत्मसमर्पण याकाः सेना समायोजन जुइफइमखु ।'
मापदण्डकथं जनमुक्ति सेना समायोजनया पक्षय् दुगु न्ह्यथनादिसें वय्कलं सेना समायोजन याये मज्यू धाइपिंत प्रतिगमनया मतियारया संज्ञा बियादिल । सरकारय् ब्वति दुगु तःधंगु दलतय्गु हे कारण मुलुकय् अराजकता अप्वयावनाच्वंगु द्धपं नं वयेकलं बियादिल । सहमति व सहकार्यया विकल्प मजुइवं यथास्थितिइ सहमति व सहकार्य जुइमफइगु वय्कलं स्पष्ट यानादिल । जनतायात अधिकार सम्पन्न यायेवं राज्य विखन्डन मजुइगु धासें वय्कलं आत्मनिर्णय सहितया संघीयराज्य स्थापना यायेमाःगु बिचा: उगु ज्याझ्वलय् प्वंकादीगु ख: ।
