उग्रवामपन्थी क्रियाकलाप हे मुलुकया प्रमुख समस्या : प्रधानमन्त्री

प्रधानमन्त्री माधवकुमार नेपालं उग्रवामपन्थी क्रियाकलाप हे आः मुलुकया प्रमुख समस्या जूगु खँ धयादीगु दु ।

नेकपा एमाले केन्द्रीय प्रचार विभागं बिहिवा: ग्वसाः ग्वःगु छगू ज्याझ्वलय् न्वंवानादिसें वय्लकं एमालेया प्रत्येक कार्यकर्तायात दक्षिणपन्थी व उग्रवामपन्थी स्यंकेगुपाखें तापाकेमाःगु बिचाः प्वंकादीगु दु । प्रधानमन्त्री नेपालं आः राजनीतिक पार्टीया क्रियाकलापयात क्रान्तिकारी धकाः वकालत यायेगु प्रवृत्ति पार्टीदुने अन्त्य यायेमाःगु बिचाः प्वंकादिल । वय्कलं धयादील - 'पार्टी दुने खनेदुगु गुट उपगुटं इमान्दार व निष्ठावान नेता व कार्यकर्ताया भावनाय् घाः लाःगु दु ।'