थौं स्थानीय निकाय ठप्प
येँ (सन्ध्या टाइम्स)/ स्थानीय निकाय मंकाः आन्दोलन केन्द्रीय समन्वय समितिया ग्वसालय् थौं देय्न्यंकंया स्थानीय निकाय ठप्प याःगु दु ।
२०६६ साल असार तक स्थानीय निकायय् ज्या याःपिं कर्मचारीतय्त स्थायी याये माःगु, निजामति कर्मचारी सरह सेवा सुविधा बीमाःगु, बढुवा यायेमाःगु व योग्यताया आधारय् पदीय दायित्व बीमाःगु लगायतया माग पूमवंकू धासें थनिंनिसें स्थानीय निकाय ठप्प याःगु खः ।
स्थानीय निकाय कर्मचारी संगठन, नेपाल नगरपालिका कर्मचारी एशोसियसन, स्थानीय निकाय कर्मचारी युनियन, गाविस कर्मचारी संघ व स्थानीय निकाय कर्मचारी संघं मकाः कथं कन्हय् तक थुगु आन्दोलनया घोषणा याःगु खः। थुकिं यानाः स्थानीय जनताया ज्या प्रभावित जूगु दु ।
