यात्रुबहाक बस दुर्घटनाय् १२ सित

सिन्धुपाल्चोकया जलबिरें येँय् वयाच्वंगु छगः यात्रुबहाक बस सुकुटे धइगु थासय् दुर्घटनाग्रस्त जुयाः झिंनिम्ह सीगु दुसाः मेपिं नीम्ह यात्रुत तनाच्वंगु दु । दुर्घटनाय् न्याम्हेसिया सिम्ह घटनास्थलय् हे लूगु खसाः मेपिं न्ह्यम्हेसिया सिम्ह दोलालघाट नापसं लुइकूगु खः । दुर्घटना लिपा उद्धार यापिं न्याम्ह मध्य् घाःपा जुपिं निम्हेसिया अवस्था सामान्य जूगु व स्वंम्हेसित वासः याकेत येँ हःगु दु ।

बिहीवाः सुथय् अरनिको याताताया ना. २. ख. ६२२८ नम्बरया यात्रुबहाक बस भोटेकोशी खुसी कुतुवंगु खः । पीम्ह स्वयां अप्व यात्रुत च्वनावःगु बसं मेगू बसयात ओभरटेक यायेत्यंगु ईलय् दुर्घटना जूगु दु । आः अन उद्धार यायेत नेपाली सेना, नेपाल प्रहरी, सशस्त्र प्रहरीयात खटे यानातःगु दु ।