जनक्रान्तिकारीया प्रवक्ता नापं प्यम्हेसित ज्वन

तराईया भूमिगत सशस्त्र पुचः तराई राष्ट्र जनक्रान्तिकारीया प्रवक्ता नापं प्यम्हेसित भारतीय प्रहरीया पुचलं दरभंगाया अलरपाटीइ ज्वंगु दु ।

भारतय् च्वनाः नेपाःया तराई लागाय् अपराधिक गतिविधिलय् सक्रिय जुयाच्वंगु उगु पुचःया प्रवक्ता नापं स्वम्ह केन्द्रिय दुजःयात भारतया दरभंगाया अलरपटीं बिहीवाः ज्वंगु खः । ज्वंपिं मध्ये प्रवक्ता विवश विद्रोही धकाः म्हस्यूम्ह रन्धिर सिंह, केन्द्रीय दुजःत रामबाबु यादव, रामनारायण यादव व रामविलास यादवयात स्वपू पेस्तोल व छगू दर्जन गोली नापं ज्वंगु खः ।