प्रधानसेनापति गुरुङयात दर्ज्यानी चिं लःल्हात
राष्ट्रपति डा. रामवरण यादवं न्हूम्ह प्रधानसेनापति छत्रमानसिंह गुरुङयात दर्ज्यानी चिं लःल्हानादीगु दु । नापं महारथी गुरुङयात पद व गोपनियताया सपथ नं कायेदीगु दु ।
बुधवाः राष्ट्रपति निवास शितल निवासय् राष्ट्रपति यादवं वयेकयात पद व गोपनियताया सपथ नकादीगु खः । नेपाः गण्तन्त्रय् हिलेधुंकाः राष्ट्रपति पाखें दर्ज्यानी चिं कयादिम्ह गुरुङ न्हापांम्ह सेनापति खः । थ्वस्वयां न्ह्यः प्रधानसेनापति रुकमांग कटवालयात कार्यकारी राष्ट्रप्रमुखया हैसियतं प्रधानमन्त्रीं सपथ ग्रहण याकूगु खः ।
सपथ ग्रहण ज्याझ्वलय् प्रधानमन्त्री माधवकुमार नेपाल, रक्षामन्त्री विद्यादेवी भण्डारी, संवैधानिक अंगया प्रमुख, सेनाया उच्च पदाधिकारी लगायतय् उपस्थिति दुथु खः ।
नियमित परम्परा कथं अवकास जुइ न्ह्यः प्रधानसेनापति रुक्मांग कटवाल विदाय् च्वनेवं सरकारं गुरुङयात कायममुकायम प्रधानसेनापति नियुक्त याःगु खसाः भदौ १० गतेया मन्त्रिपरिषदया निर्णय कथं वयेक महारथीलय् बढुवा जुयादीगु खः ।
