थौं वीपीया ९६ दँ बुन्हि
येँ (सन्ध्या टाइम्स)/ नेपाली कांग्रेसया संस्थापक नेता वीपी कोइरालाया ९६ दँ बुदिं थौं देय्न्यंकं थीथी ज्याझ्वः यानाः हनाच्वंगु दु ।
थ्वहे झ्वलय् थौं कांग्रेस केन्द्रीय ज्याकू सानेपाय् वीपीया किपाय् स्वां देछायेगु ज्याझ्वः जुल। ज्याझ्वलय् कांग्रेसया वरिष्ठ नेता शेरबहादुर देउवा लिसें आपालं केन्द्रीय दुजःतय्सं ब्वति काःगु खः। तर कांग्रेस सभापति व वीपीया किजा गिरिजाप्रसाद कोइराला धाःसा स्वास्थ्यया कारणं ज्याझ्वलय् मथ्यन ।
वीपी जयन्तीया लसताय् नेविसंघं येँय् थौं सुथय् छगू कौला ज्याझ्वः याःगु दुसा न्हिनय् नेपाल तरुण दलं विचार गोष्ठी यायेत्यंगु दु ।
