थनिंनिसें न्हूम्ह सेनापति

येँ (सन्ध्या टाइम्स)/ कायम मुकायम प्रधानसेनापति छत्रमान गुरुङ थनिंनिसें न्हूम्ह प्रधानसेनापति जुयादीगु दु। न्हूम्ह प्रधानसेनापति गुरुङयात थौं सनिलया ४ बजे राष्ट्रपति डा. रामवरण यादवं राष्ट्रपति भवनय् दर्ज्यानी चिं लःल्हासें शपथ ग्रहण याकीगु ज्याझ्वः दु। वयां लिपा नेपाली सेनाया जंगी अड्डाय् वय्कःया सम्मानय् छगू ज्याझ्वः जुइ। प्रधानसेनापति रुक्मांगद कटवालया ई म्हिगः चान्हय् १२ बजे निसें क्वचायेवं गुरुङ न्हूम्ह प्रधानसेनापति जुयादीगु खः ।