संसदया अवरोध चीकेत कांग्रेसया माग

नेपाली कांग्रेस संसदीय दलं एकीकृत नेकपा (माओवादीं) यानाच्वंगु संसदया अवरोधं संविधान निर्माण प्रकृयाय् असर जूगु ठहर यासें तत्काल संसदया अवरोध चीकेत माग याःगु दु ।

मंलगवाः संसदीय दलाया ज्याकू सिंहदरवारय् च्वंगु बैठकं व्यवस्थापिका संसदया अवरोधं यानाः विनियोजन विध्येक व देया महत्वपूर्ण विषयलय् सहलह जुइमफुगुलिं माओवादीयात तत्काल संसदया अवरोध चीकेत इनाप याःगु दु ।

बैठक लिपा छगू विज्ञप्ति पिथंना कांग्रेसं संसदया गतिरोध अन्त्य यायेत दक्वं सम्बन्धित पक्ष नाप इनाप याःगु खँ न्ह्यथंनातःगु दु ।

अथेहे बैठकं असोज १ गते निसें संसदीय दलया ज्याकूथी सूचना केन्द्रया उल्लेज्या यानाः बुलेटिन प्रकाशन यायेगु नं निर्णय याःगु दु । नापं ९५ क्वःगू विपि जयन्तीया लसताय् वयेकया योगदानया स्मरण यासें वयेकप्रति श्रद्धा सुमन देछाःगु दु ।