वीरगंजय् बहनी गोली व बम
वीरगंज (सन्ध्या टाइम्स)/वीरगंजय् म्हिगः बहनी बम मुइकेगु नापं गोली समेत चले जुल। स्थानीय माइस्थानया छगू लुँ वह पसः न्ह्यःने निम्ह ल्याय्म्हतय्सं बम मुइकेगु लिसें निगू राउण्ड गोली समेत चले याःगु खः । बम व गोलीं मानवीय क्षति धाःसा मजू। बम मुइकूपिनि बारे प्रहरीं अनुसन्धान न्ह्याकाच्वंगु दु ।
उखे म्हिगः हे ठाकुरराम बहुमुखी क्याम्पसं छम्ह विद्यार्थीयात अपहरण याना यंकूगु खँ सीदुगु दु । क्याम्पसया स्ववियु सभापति अमित यादवयात अज्ञात पुचलं अपहरण याना यंकूगु खः ।
यादवयात सुनां अपहरण याःगु धइगु सी मदुनि । अपहरणयात कयाः प्रहरीं अनुसन्धान न्ह्याकेधुंकूगु खँ धाःगु दु ।
सरकारं विशेष सुरक्षा योजना कार्यान्वयनय् हयेधुंकाः वीरगंज लगायत तराईया जिल्लाय् आपराधिक घटना नं अप्वया वनाच्वंगु खँ धाःगु दु ।
