कोइरालाया स्वास्थ्य सामान्य

नेपाली कांग्रेसया सभापति गिरिजाप्रसाद कोइरालाया स्वास्थ्य अवस्था मंगलवाः समान्य जूगु दु ।

कोइरालाया उपचारय् संलग्न डा. मानबहादुर केसीया कथं स्वन्हु न्ह्यः निसें पिसावया संक्रमणं इन्फेक्सन जुयाच्वंम्ह कोइरालाया अवस्था समान्य जूगु धयादिल । अस्वस्थ जुया आराम यानाच्वंम्ह कोइरलां सोमवाः थःत नापलावम्ह प्रधानमन्त्री माधवकुमार नेपाल नाप सहलह मयासें लितछ्वयाब्यूगु खः ।

सोमवाः प्रधानमन्त्रीयात नापमलाःगु विषययात सरकारनाप कोइराला असन्तुष्ट जूगु धकाः मिडियां समाचार बिवं सोमवाः सनिलय् कांग्रेस केन्द्री दुजः कृष्णप्रसाद सिटौलां छगू विज्ञप्ति पिथंना वयेकया स्वास्थ्य पाय्छी मजूगु जानकारी बियादीगु खः ।