परराष्ट्रमन्त्री कोइराला चीन प्रस्थान
परराष्ट्रमन्त्री सुजाता कोइराला खुन्हुन्यंकया औपचारीक भ्रमणया निंतिं मंगलवाः चीन प्रस्थान यानादीगु दु ।
चिनिया समकक्ष्मी याङ चेइचीया ब्वनाय् चीन भ्रमणय् झायादिम्ह परराष्ट्रमन्त्री कोइरालां थःगु चीन भ्रमण सदभाव भ्रमण जूगुलिं द्वपिक्षीय हितया दक्वं पक्षय् सहलह जुइगु कनादिल । वयेकलं भ्रमणया झ्वलय् निगू देय् दथुइया स्वापू विस्तार, प्रधानमन्त्रीया चीन भ्रमण व मेमेगु विषयलय् सहलह जुइगु धयादिल ।
थीथी परियोजना निर्माणय् ग्वाहालि कायेगु ताःतया चीन झायादिम्ह मन्त्री कोइरालां भ्रमणया झ्वलय् शान्ति, आर्थिक, राजनीतिक व चिनिया पक्षं नेपाःयात बीफइगु ग्वाहालि बारे उच्च अधिकारीत नाप खँल्हाबंला याइगु खँ परराष्ट्र मन्त्रालयं धाःगु दु ।
मन्त्री कोइराला नापं परराष्ट्र मन्त्रालयया सचिव ज्ञानचन्द्र आचार्य, मन्त्री कोइरालाया सल्लहाकार डा. चिराजीवी नेपाल, परराष्ट्र मन्त्रालयया चीन मामिला स्वइम्ह सहसचिव अरुण बराल व वयेकया निजी सचिव नं वयेक नापं चीन प्रस्थान याःगु दु ।
